DIONA: Mga Isyung Nangyari Habang May Pandemya

 #1

Sardinas laging bitin      

Ayuda kulang pa rin

Ma, ano ulam natin?

#2

'Wag daw tayong lumabas

Ngunit anumang batas

Ang baboy nakatakas

#3

Ang bayan kong nasawi

Mga buhay umiksi

Mundo’y nagdalamhati 

#4

Sa bagsik ng pandemya

Milyong tao’y nagdusa

Niyurak ang pag-asa

#5

‘Di man kita masulyap

Sa piling hanap-hanap

Ang screen lang mayayakap.

#6

Ang sinumang lumapit

Sa’king bukad na bibig

Sa burol ihahatid.

#7

Walang lasa’t pang-amoy

Pagkaing sa abuloy

Tatapon na lang tuloy

#8

Nanay naging maestra

Ang klasrum na sa sala

 Bahay naging eskwela